نشرت الإعلامية غادة عيد، على صفحتها الخاصة عبر موقع فيسبوك، قصة من قصص الفساد، عن سيدة كانت تقف معترضة امام مطمر الناعمة.

وجاء في المنشور:

"من قصص الفساد: كان يا ما كان مش من كتير زمان في مكب بمنطقة حلوة كتير اسمها الناعمة. تحملت طمر عشوائي للنفايات سنوات طويلة وتحمل مع هالمكب اهل الشوف المرض والتلوث. يا ما نزلو الاهالي على الشارع يصرخوا وما كان حدا يسمعن.

بتذكر يومها وقت رحت صرخ معن كان في سيدة حاملة تقارير طبية عن إصابات بالسرطان وأمراض غريبة لسكان المناطق المحيطة بالمطمر .كانت عم تبكي واقفة حد الناس اللي صارو متراس لكميونات الزبالة.بوقت وقفوا القوى الأمنية حاجز.

اسألو الناس مين من نواب المنطقة أو البلد وقفوا معن.وكيف كانوا وزراء الكتل والأحزاب يجددوا لسوكلين اللي كانت فاتحة المطمر ع حسابا وتقبض من الدولة كل سنة ١٥٠ مليون دولار توزع منهم العشرات على السياسيين.

هيدي القصة باختصار عبرة عن كيف بتقدر الزبالة تقهر الناس. بكرا بس تجي الانتخابات لمين بدن اهل المنطقة يصوتوا؟ رح اطلع على الناعمة وأسأل السيدة اللي كانت حاملي التقارير الطبية وما حدا من النواب عم يسمعها. لمين بدها تصوت؟؟"